Mid de Boarischn Engal durch's Johr

ENGAL ÜBA BAYERN

Mid de boarischn Engal durch's Johr

 

12 Engalgschichdn und Engalbuidl, fia gloane und große Kinda, Mamas und Babbas, Schwesdan und Briada, Omas und Opas, Tantn und Onkl, Nachbarn, Freind und olle, di gean wos boarischs lesn und weidavazain.

 

Fia uns is da Engalkalenda scho a richtige Herzensangelegenheit woan und deara woit ma nadirli treu bleim. Mia wünschn  eich imma a Engal an eiana Seitn und oiwei an Grund um von Herzen zu lacha.

 

Erschienen im Sterndal Verlag

Samerberg 2008/2009/2011/2012/2013/2014/2015/2016/2017

Endlich is ea do, da neie Engal Jahreskalenda!!!!!!!!!!

Kalenderpreis 15,- €

Kalenderpreis = 15.-- €

"BITTE" sogd a Engal

 

I häd a BITTE an de Leid,

dass eich des gloane wieda gfreid.

 

Ebbas wos eia Herz oriad,

damid de Waid ned ganz dafriad.

 

Schaud's eich do um,

übaoi un umadum.

 

Wia a Kind von Herzen no lachd,

und mim Baba Gaudi machd.

 

 Wia zwo Valiabde si fest in de Augn schaun,

und ganz und gor eanan Herz vertraun.

 

Wenn se zwoa de Hand gem,

und a Freindschaft gründn fia's ganze Lem.

 

Des han so gloane Sachan,

de aus eich - Menschn - machan.

 

I häd a BITTE an de Leid,

dass eich des gloane wieda gfreid.

 

Eia Engal

Ausverkauft

Übaoi

 

Übaoi - ob draussn oda drin, ob undn oda om,

do is a Engal im Sinn, do stehd Liebe drom.

 

Übaoi - im Wassa, in da Lufd, ob in da Erde oda da sonne,

liegd da wundabare Duft, von Danke, vertrauen und Wonne.

 

Übaoi - in da Haut in de Zellen, von de Zechan bis zu de Hoor,

kimmd des guade Gfui in Wellen, und des is ja so wor.

 

Übaoi - schbias das in da Natur, in olle Bleame und Bam,

olles is echd und Pur, des deafs'd ma glam.

 

Übaoi - sans, de himmlischen Wesen,

umschwirren di, gem da Krafd,

kinnan olle deine Gedanken lesen,

fias Lem, damid du olles schaffsd.

Ausverkauft

DANKE

 

Danke song mia heid, zu olle Leid.

Dande fia 10n Johr und a bissal von eira Zeit.

 

Olle de so gean Engal meng wia mia zwoa,

Olle de a wissn Engal gibd's und mia san nia alloa.

 

Danke an olle Mamas und Babas, Frauen und an de Männer,

Danke an eich, ihr seids hoid einfach Engalkenner.

 

Olle Omas und Obas, de se Zeit gnomma ham fia a Gschichd,

Olle de zaubern a Lächeln in de Kinda ihra Gsichd.

 

Danke an Schwesdan und briada, a ihr seids wichdig,

Danke fias Vorlesn - des Boarisc is schwar, richdig?

 

Olle Onkl und Tantn de scho Engal gseng ham,

Olle de des zuagem ob echd oda im Dram.

 

Schee warn immer olle Telefonate mid olle nettn Leid,

Schee dass eich gibd - fia uns is des a unbandige Freid.

 

Eich woidn mia a Freid macha.

Eich woidn mia ins Gsichd zauban a Lacha.

 

Danke an de engal ob im Himme oda in da Weijd,

Danke das ihr do seids - des is wichdiga ois olle Geijd.

 

Danke song

d'Anita und d'Anna

Ausverkauft

ZWOA  ENGALFREIND

 

Auf da Wiesn do stengan de zwoa,

Freind san's, koana is alloa.

 

Olles machan's midanand,

sie ham sogor des gleiche Gwand.

 

A Ledahosn mid Hosnträga dro,

des is doch wos, fia an boarischn Mo.

 

De Zechan san vagrom im greana Gros,

die Fiaß han rot, und bis zu de Kneche noß.

 

Eng vatraut san de zwoa Freind midanand,

da große legt um den kloana sei Hand.

 

In eananae Gsichta do muas'd schaun,

do ko ma's seng, a diafs Vertraun.

 

Wenn i's ned bessa wissad, dad i song,

 des warn zwoa Engal - unglong.

ausverkauft

ÜBA  ENGAL

 

Üba Engal gibd's so vui Sachan zum song,

und no vui meara Sachan zu frong.

 

Des war da größte Wunsch in meim Lem,

oamoi mid am Engalzum ren.

 

I dad frong wia des mid dem Fliang geht,

oda, ob des koid is, wenn ma auf oana Woikn steht.

 

I mechad gean wissn, wos a Engal so denkt,

und wohi a Himmlischer Gedanke mi lenkt.

 

Neugierig bin i, ob Engal eigendlich schlaffn,

und, wia sie olles wos sie machen schaffn.

 

Foin da a no a bor Fragn ei, konnst a moi schaun,

vielleichd kimmd dann dei Engal in dein Traum.

ausverkauft

GEDICHDAL   VOM   ENGAL

 

Host du scho amoi a Engal singa hean? - "Na - aba i mechad gean!"

 

Host du scho amoi a Engal schimpfn hean? - "Na - aba des mecht i gor ned gean!"

 

Host du scho amoi a Engal lacha hean? - "Na - aba i mechad gean!"

 

Host du scho amoi a Engal fliang gseng? - "Na - aba des dad i meng!"

 

Host du scho amoi a Engal woana gseng? - "Na - aba des dad i ned meng!"

 

Host du scho amoi a Engal tröstn gseng? - "Na - aba des dad i scho meng!"

 

Dann schau di um, um uns umanand,

san ganz vui Engal und nemman uns bei da Hand.

Obs das glabsd oda ned, de schaun aus wia du und i, schau amoi genau hi!!!

ausverkauft

SERVUS   ENGAL

 

Servus Engal - Schee das di gibd,

du bist bei olle beliebd.

 

Servus Engal - i frei mi so, dass du do bist,

i hätt di sunsd fiachdali vamissd.

 

Servus Engal - i gschbia di ganz genau,

und fia mi is da Himme wida blau.

 

Servus Engal - bleib oiwei bei mia,

damit i di olle Dog gschbia.

 

Servus Engal - i denk oft an di,

und i woas, du denksd a oft an mi.

 

Servus Engal - mid dia gehd's ma guad,

du bist im Herzn und machsd ma Muad.

 

Servus Engal - a jeda brauchad di, ned grod i!